30
қаңтар
2020
"Атымды адам қойған соң..." атты қалалық оқушылар айтысы
28 қаңтар 2020 жылы Ахмет Байтұрсынов атындағы 20 орта мектебінде Абай Құнанбайұлының 175 жылдығына арналған "Атымды адам қойған соң..." атты қалалық оқушылар айтысы өтті. Бұл айтысқа қала мектептерінен 10 айтыскер ақын қатысып бақ сынады. Қазақтың төл өнеріне жүректерінің төрінен орын берген жас ақындарымызға көрермендеріміздің ықыласы да зор болды. Айтыстың бас жүлдесін Абай атындағы 33орта мектептің 11сынып оқушысы Адалбек Ардақ қанжығасына байласа, 1 орынды Абай атындағы 33орта мектептің оқушысы Асылбек Аймерей, ал 2 орынды Ахмер орта мектебінің оқушысы Слямханова Айғаным мен 16 мектеп оқушысы Есенболұлы Досымжан иеленді. 3орынға Абай атындағы 33орта мектептің оқушысы Бақытбек Айнұр, Ахмер орта мектебінің оқушысы Жеңісбеков Ерғалым және Ахмет Байтұрсынов атындағы 20 орта мектептің оқушысы Ерғали Дарын табан тіреді . Ал Ахмер орта мектебінің оқушысы Құрманғали Мәди ШҚО балалар және жасөспірімдер кітапханасының арнайы жүлдесімен марапатталды. Айтыс соңында сөз сөйлеген Өскемен қалалық білім беру бөлімі басшысы Абылайхан Ақерке ақындарымыздың талабын шыңдау үшін бұндай айтыстар жылына бір рет емес оданда көп рет өткізілу керектігін айтты.