Мектепке жол
«Мектепке жол» акция қорытындысы
«Мектепке жол» акциясы негізінде орта білім беру ұйымдары үшін міндетті мектеп формасына қойылатын талаптарды бекіту туралы Қазақстан Республикасы Білім және ғылым министрінің 2016 жылғы 14 қаңтардағы № 26 бұйрығы негізінде ҚР Үкіметінің 08.08.2022 № 544 қаулысындағы мемлекеттік білім беру ұйымдарының мемлекеттік
атаулы әлеуметтік көмек алуға құқығы бар отбасылардан,
сондай-ақ мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан білім алушылары мен тәрбиеленушілеріне және жетім балаларға, ата-анасының қамқорлығынсыз қалған отбасыларда тұратын балаларға, төтенше жағдайлардың салдарынан шұғыл жәрдемді талап ететін отбасылардан шыққан балаларға және өзге де санаттағы білім алушылар мен тәрбиеленушілерге қаржылай және материалдық көмек көрсетуге бөлінетін қаражатты қалыптастыру, жұмсау бағыты мен оларды есепке алу қағидаларына сай мектептің 255 оқушысының ата –аналар есеп шоттарына бір балаға 40567 тенге аударылды. Ата –аналардан мектеп формасы мен оқу –құралдарын алғандығын растайтын тауар чектері мен фотолары жиналды. Қаржы уақытында аударылып, оқушылар мектеп формасымен толығымен қамтамасыз етілді.
Мемлекет Басшысы Қасым-Жомарт Тоқаевтың тапсырмасын орындау мақсатында жыл сайынғы "Мектепке жол" қайырымдылық акциясы 2019 жылдан бастап жыл бойы өтетін форматқа ауыстырылды.
«Жақсылық жаса» ұранымен «Мектепке жол» акциясын ұйымдастыру 2023-2024 оқу жылы да жалғасын тапты. Мектеп бойынша көпбалалы отбасынан шыққан 7 оқушыға, азқамтылған отбасындағы 15 оқушыға мектеп құралдары таратылды. Барлығы 22 оқушы қамтылды.
Жеке кәсіпкер Е. Масалимов, «Халифа Алтай» облыстық мешіт қызметкерлері, халық банк қызметкерлері оқушыларды оқу құралдарымен қамтамасыз етіп демеушілік жасады.
