«Сыбайлас жемқорлыққа қарсы мәдениетті қалыптастыру»
Қазақстан Республикасының сыбайлас жемқорлыққа қарсы саясатының 2022 – 2026 жылдарға арналған тұжырымдамасын жүзеге асыру бойынша мектепішілік 2023-2024 оқу жылына арналған іс шаралар жоспары негізінде ұлт көсемі Әлихан Бөкейхан: «Əділдік жоқ жұртта, береке болмайды» дейді. Адал ұрпақ – болашағы жарқын елдің кепілі екені сөзсіз.
Осы мақсатта облыстық балалар мен жасөспірімдер кітапхана ұжымы 7- сынып оқушыларына жемқорлық тақырыбында «Адал жолмен жарқын болашаққа» атты ақпарат сағат ұйымдастырды.
Танымдық шараға белсене қатысқан білімгерлер алдымен адалдық тақырыбындағы көзқарастарын ортаға салып, өзара пікір алмасып, ойларын қағаз бетіне түсірді. Тақырыпқа сай бейнероликті талқылаған оқушылар жағдаяттық сауалдарға жауап тапты. «Иә, жоқ» ойынын ойнап, зейіндерін байқатты.
Ақпарат сағатының соңында кітапхана қорындағы Қуат Қайранбаевтың «Ар мен Заң алдында», А.Н.Ағыбаевтың «Сыбайлас жемқорлық қылмыстарына заңдылық сипаттама» сынды кітаптары таныстырылды.