6-"Б" сыныбы

Тәрбие сағатының тақырыбы:«Абай –ұлы ақын»

Мақсаты:Ұлы ақынның 175 жылдығына орай ақынның өнегелі өмірімен таныстыру, шығармаларына шолу жасау, өлеңдерін, әндерін мәнерлеп айтқызу. 
 -Абай шығармашылығын сүйіп оқуға, өмірін, қасиеттерін үлгі ете отырып, білім-ғылымға құмарларын арттыру.
 -Жас ұрпақты Абай шығармашылығын танып өсуге тәрбиелеу, адамгершілікке, табиғат әсемдігін түсінуге тәрбиелеу

Сынып жетекшісі:Баймухырова Акерке Аскербековна

Сынып: 6 «Б»

Ұлы ақын Абай атамыздың 175 жыл мерейтойына орай біздің мектепте тәрбие сағаттары өтті.

Тәрбие сағаты Абайдың «Желсіз түнде жарық ай» әнін тыңдаумен басталды.Балалар тақырыпты өздері ашып, сұрақтарға жауап берді.Тәрбие сағаты барысында алға қойған мақсат орындалды.Оқушылар Ұлы ақынның 175 жылдығына орай ақынның өнегелі өмірі жайлы баяндамалар оқып, өмір жолымен танысты. шығармаларына шолу жасап, өлеңдерін, әндерін мәнерлеп айтты. Оқушылар алдын ала берілген тапсырмаларды үлкен жауапкершілікпен орындаған. Соның бірі Абайдың тәрбиелік маңызы зор қара сөздері. Мақсатқызы Шырай оқушыларға бірінші қара сөзін айтып берсе, Мелисханов Әділет төртінші қара сөзін оқушыларға оқып, сол бойынша сұрақтар қойып, оқушылар белсенді де нақты жауап берді.Тәрбие сағаты барысында жұптық, жекелей  жұмыстар да болды.  Оқушылар Абай өлеңдеріне талдау жасады, мағынасын түсініп, бір біріне баяндап берді. Сабақтың соңында Шығармашылық жұмыс берілді.

Абай Құнанбаевтың жыл мезгілдеріне байланысты қандай өлеңдері бар? деген сұрақ қойылып, «Қыс», «Жазғытұры», «Жаз», «Күз» сияқты табиғатқа арналған өлеңдерін оқушылар  мәнерлеп оқыды.Сабақ соңында оқушылар өз ойларымен айтып, алған әсерлерімен бөлісті.

Тәрбие сағатынан кейін  оқушылар Абай шығармашылығын сүйіп оқуға, өмірін, қасиеттерін үлгі ете отырып, білім-ғылымға құмарларын арттыра түсті деген ойдамын.