10
желтоқсан
2019
Өскемен қаласының білім бөлімінің басшысы тағайындалды
Өскемен қаласының білім бөлімінің басшысы болып PhD докторы Ақерке Абылайхан тағайындалды.Жаңа басшыны бөлімнің ұжымына және білім беру ұйымдарының директорларына қала әкімі Жақсылық Омар таныстырды.
Ақерке Абылайхан Шығыс Қазақстан облысының тумасы. 1997 жылы «Биология және химия пәндерінің мұғалімі» мамандығы бойынша «Семей» мемлекеттік университетін тәмәмдаған. 2002-2005 жылдары «Болашақ» халықаралық стипендиясының докторантура бағдарламасы бойынша Германияның Хемниц техникалық университетінде оқыған.Білім беру жүйесінде 1997 жылдан бері еңбек етіп келеді. «Семей» мемлекеттік университетінде және әл-Фараби атындағы Қазақ Ұлттық университетінде оқытушы, ғылыми қызметкер болып жұмыс істеген.2004-2005 жылдары Германияның Хемниц техникалық университетінің ғылыми қызметкері.2006-2018 жылдары Қазақстан Республикасының Білім және Ғылым министрлігінде әртүрлі басшылық қызметтер атқарған. 2018-2019 жылдары аралығында Шымкент қаласының білім басқармасының басшысы болып еңбек еткен. Қазақ, орыс, неміс және ағылшын тілдерінде еркін сөйлейді.