"Жас сарбаздар" қала мектептері арасында өткен шеруге қатысты

        Жастарды патриоттық рухқа тәрбиелеу мақсатында бүгін оқушылар арасында әскери-спорттық шеру өтті. Шеруге қаладағы мектептердің оқушылары қатысып, салтанатты түрде сап түзеді. Шеруде оқушылардың алғашқы әскери дайындық пәні бойынша білік-дағдылары сыналып, патриоттық рухқа тәрбиелеу, әскери-спорттық мерекенің мәнін ұғындыру мақсат тұтылды. Жыл сайын дәстүр бойынша өтетін шараға әскери киім киген ұлдар да, қыз балалар да қатысып, сапқа тұрып, адымдады. Шеру білім басқармасы мен ардагерлер одағының бірлесуімен ұйымдастырылған. Әскери шеру-оқушылар үшін өздерін отан қорғаушы ретінде сезінуге мүмкіндік береді.