Патриоттыққа бастаған ізгі шара
Патриоттыққа бастаған ізгі шара
«Нағыз патриотизм дақпырт сөздерден емес, нақты істерден және жауапты қадамдардан көрінеді»- деген Елбасының сөзін жалау етіп алған, білім мен тәрбие егіз жүретін Өскемен қаласы әкімдігінің «№16 орта мектебі» КММ-да патриоттыққа бастаған ізгі шара болып өтті.Ауған соғысыардагерлеріне құрмет ретінде мектеп жанынан аллеяның ашылуы үлкен шараға ұласты. Шара Шығыс Қазақстан облыстық Ауған соғысы ардагерлері ұйымымен бірлесе атқарылды.Аллеяның ашылу салтанатына Шығыс Қазақстан облыстық Білім басқармасының бас маманы Қ.Ә.Оспанғалиев, қалалық білім бөлімінің басшысы М.М.Ахметова, Шығыс Қазақстаноблыстық Ауған соғысы ардагерлері ұйымының төрағасы Қ.М.Мусин және ауған соғысы ардагерлері қатысты.Аллеяға 25 түп қайың мен 15 түп шырша ағаштары отырғызылды.
Келген қонақтарға мектеп шәкірттерінен құрылған «Мұрагер» аспаптар оркестрі мен өнерпаз оқушылар өз өнерлерін көрсетті.
Шараны облыстық «Қазақстан-Өскемен» телеарнасы түсіріп, апта ақпар хабарынан көрсетілді.