Тәрбие сағаты 4-«Б» сыныбы

4-«Б» сыныбымен өткізілген «Абай – дара, Абай – дана қазақта!» атты тәрбие сағатының қорытындысы

Тәрбие сағатының мақсаты:1. Оқушыларды ұлы кемеңгер ақын Абай Құнанбаев шығармаларымен таныстыру. Ақынның өлеңдері мен қарасөздерін оқыту арқылы адамгершілікке, еңбекқорлыққа, адалдыққа баулу. Білімге деген құштарлығын арттыру.
 2. Оқушылардың сөйлеу, мәнерлеп оқу қабілеттерін, тіл байлықтарын, сөздік қорларын дамыту.
 3. Мейірімді, адал болуға, адамгершілікке, жаман әдептерден бойларын алыс ұстауға тәрбиелеу.
 Сабақтың барысы:

Сабақ Қазақстан Республикасының Әнұранымен басталды.

Психологиялық ахуал

А.Құнанбаев «Әсемпаз болма әрнеге»

Әсемпаз болма әрнеге,
 Өнерпаз болсаң – арқалан.
 Сен де бір кірпіш дүниеге,
 Кетігін тап та бар қалан,- деп Абай атамыз айтқандай, кішіге мейірімді, досыңа қайырымды, еңбексүйгіш, шыншыл да қамқор болсаң, өсе келе ата- анаңның, Отаныңның мақтаны боласың.

Кіріспе:

Абай 1845 жылы 10 тамызда Семей облысы Жидебай жерінде Шыңғыстау етегінде дүниеге келген. Негізгі хатқа түскен аты Ибраһим болса да, әжесі Зере еркелетіп «Абай» деп атап кеткендіктен, біз де солай айтып жүрміз.Абайдың атасы Өскенбай дала халқының әділ биі болған. Абай – ақыл, қайрат, жүректі бірдей ұстаған адам.

14 жасында сықақ өлеңдер шығарған. Ол жастар арасында кең таралған. Жаңа заманның ретімен Абай білімге ден қойып, араб, парсы, түркі тілдерін үйренді. Сол кезде шығыс тілдерін Абайдан артық білетін адам болмаған.

Абайдың 1890-1898 жылдар арасында жазған шығармалары «қарасөз» деп аталады. Жалпы саны қырық бес бөлек шығарма. Абайдың қарасөздері адамды адам болуға, ізгі ниетті адамгершілік қасиеттерінің мол болуына, жаман дағдыларын аулақ болуға үйретеді. Абай 1904 жылы дүниеден өтті. Абай өмірден озса да артына көп мұра қалдырды. Өлең- жырлары, қарасөздері мәнді де мағыналы болды.

Абай қарасөздерімен танысайық

Поэзия минуты

А.Құнанбаев өлеңдерін жатқа айту 

Қорытынды:Оқушылар ұлы кемеңгер ақын Абай Құнанбаев шығармаларымен таныса отырып ақынның өлеңдері мен қарасөздерін оқу арқылы  жаман дағдылардан аулақ болуға үйренді.Тәрбие сағаты
 «Желсіз түнде жарық ай»әнімен аяқталды.

Сынып жетекші: Машаева Г.М.