«Құлыншақ» шағын орталығында коронавирус ауруының алдын алу бойынша өткізілген іс-шаралар

Өскемен қаласы әкімдігінің  «Зәки Ахметов атындағы № 16 мектебі» КММ жанындағы «Құлыншақ» шағын орталығында 2 топ бар. Шағын орталықта 50 бала тәрбиеленеді. Шағын орталыққа таңертең балаларын әкелген және кешкі уақытта алып кеткен ата – аналар бетперде (маска) киіп кіреді. Өйткені ұйым қызметкерлері үшін баланың денсаулығы аса маңызды. Шағын орталықта қазір залалсыздандыру шараларына ерекше көңіл бөлінуде. Оның ішінде кварцтауға, жеке гигиеналық тазалыққа айрықша назар аударылған. Сонымен қатар инфекциясының белгілері мен одан сақтану жолдары жайлы жадынамалар ілінген. Елімізде коронавирусқа қарсы мектеп оқушыларын уақытынан ерте каникулға жіберу туралы шешім қабылданды. Алайда шағын орталығымыз үзбей жұмыс істейтіндігі жайлы ата – аналарға хабарланып айтылды.